أهتمامك سر جمالك

السلام عليكم ..

صباحكم \ مسائكم .. جمال يشيع من بعيد <<~

كيفكم ياغاليات .. ان شاء الله بخير؟!

صرآحة بما اني فاضيه هاليومين قلت أنزل موضوع للصبايا الأمورآت

وبما أن كلنا نركض ورى الجمال .. حبيت أطرح لكم موضوعي هذآ وكله من تجاربي الشخصيه

وبعض الخلطات اللي اقتبستها وانا مجربتها طبعا

أول شي كل وحده فينا فيها جانب جميل جداً ولا تحسبوآ أن الجمال هو كل شي .. لا وألف لا الجمال مايسآوي شي عند الأخلاق الحسنه والتعامل الجميل .. نحن لانبحث عن الجمال بحد ذآته بل نبحث عن طرق لأبرآز ملامح أنوثتنا وجمالنا الدآخلي والخارجي ولكل وحده أسلوبها في أبرآز جمالها ..

والأن خلونا من كل ذآ وذآ ونبدأ مع بعض:-

* جسمك !!

خصصي يومين في الأسبوع للأهتمام بكامل جسمك من شعرك لأخمص قدمك .. ورتبي جدولك يعني ساعه أوساعتين بالكثير مارآح تضرك وبالعكس رآح تفيدك كثير

خلطتي اللي ما أستغنى عنها أبدآ وهي تحتاج صبر وبال طويل ومدآومه مو تطفشي وتتركي كل شي بنص الطريق .. اليكم المقادير طبعا الكميه حسب رغبتك انتي
جلوسليد أحمر
جلسرين أحمر <<~ ترى في فرق بينهم واللي ماتعرفهم تقولي
جلسرين الشفاف غير عن اللي قبله
عصير ليمونه
قطرآت من زيت زيتون
قطرآت من زيت اللوز الحلو <<~ الخاص بالجسم
بوردة جونسون للأطفال
ومويه ورد

طبعا الخطة لاتخلونها سائله لازم تكون متماسكه زي العجين .. والزيوت خمس قطرآت تكفي لكن أكثر شي موية الورد .. نخلطها مع بعض الين تتماسك والبودره لا تكثرون منها ملعقه طعام تكفي ..
تحطيها على كامل جسمك اقل شي ساعتين .. بعدها تأخذين لك شور معتبر وياليت تستخدمي جل شاور من دوف بالنعناع او الخيار بيرطب جسمك وينعمه غير الريحه المنعشه
بعد مانتشفي جسمك ويكون فيه شوية رطوبه توزعي بوردة جونسون على جسمك بالأماكن المعتاده .. لو عندك عطر مسحه من زهور الريف أو من أجمل تمسحي على الاماكن بأطرآف اصابعك .. وهذي الطريقه تحافظ على ثبات العطر بجسمك يوم كامل ورآح تلاحظي أن الريحة باقيه
وجهك أدهنيه قبل تأخذ الشور بزيت جنين القمح وبعد مايجف بفتره تقريبا ساعه أغسليه بعدين بصابونة البابايا وبتشوفي اللمعه والصفاء بس بيكون في شوية جفاف فأستخدمي كريم مرطب يناسبك او متعوده عليه وأدهني فيه وجهك على خفيف
* الأكوآع والركب !!
هذي يبي لها جلسه لوحدها .. مو بيوم وليله بيختفي السوآد او بالأصح اللون الغامق كثيررر يجهلون ترطيب هذي المنطقه لان جلدها قاسي شوي وجاف ويحتاج عناية فائقه .. تذكري أكوآعك كل ماحطي كريم على وجهك <<~ ويش دخلهم ببعض هع
الموهيم اذا حطيتي كريم على وجهك بطريقك مري على أكوآعك .. مره او مرتين وياليت ثلآث مرآت باليوم
لان الطريقه ذي بتساعدك على تخفيف اللون الدآكن وكل وحده لازم تدآوم على ذي المنطقه يومياً بالترطيب وصدقوني مع الاهتمام والترطيب رآح تتفاجئي بخفة اللون عن قبل كثير
وكمان هناك عادات تزيد من سوآد المنطقه يعني تتكين على كوعك .. الـــخ
نجي لكيف نزيل السوآد من الاكوآع والركب
لما تكوني حاطه من الخلطه السابقه حطي على الركب والأكوآع وجيبي نص ليمونه وأفركي المكان فيها بس بشويش مو بقوه لأن الأحتكاك يزيد السوآد وبالايام الثانيه اذا كنتي فاضيه جيبي نص ليمونه واغمسيها بملح وادعكِ الركب أو الأكوآع لان هذآ مقشر يزيل الجلد الميت الخشن وغير كذآ ينعمها وحبه حبه يختفي السوآد بس يبي لها صبر طوويل تقريبا شهرين وتبدأ النتيجه لكن كثفي اهتمامك يوميا وبتبان النتيجه من أول شهر هذي من تجربتي وطبعا كل صديقاتي لاحظوآ كيف خفت اكوآعي وطلبوني الطريقه لكن تحتاج استمراريه زي ماقلت

· ) وعندي ملاحظة بسيطه في بنات لما يروحون زوآجات او مناسبات يحطون من الميك آب على الأكوآع حتى يخففون من السوآد .. هذآ أكبر خطاء يابنات لانه بيترك ترسبات بالمنطقه ويزيد سوآدها استبدليه بكريم مرطب من دوف او نيفيا وحطي عليه مايبان شي وبالعكس ترى كثير ينتقدون هذي النقطه وأولهم أنا لأنها غلط × غلط غير أنه بعطيها منظر غير محبب
· ولما تستخدمي الطريقه اللي قلت لك عليها بيخف اللون تدريجيا ويروح وتودعين هذي الحركآت

* القدمين !
كثير جدآ من النساء يهملون أقدآمها ومع مرور الزمن تصير اشبه بكتله صخريه قاسيه جافه عديمه الحياه <<~ وصف عميق ^_*
القدمين دليل على مدى أهتمام المراءه بنفسها .. وخطاء فادح تركها بدون أهتمام
طريقتك للعنايه بهــآ كالتالي :-
1- أدهني قدميك بجلوسليد مخلوط بعصير ليمونه وحده وغطيها بشرآب طول الليل ومناسب وقت الشتاء
ولما تصحي أغسليها وجففيها وكمان رطبيها دآئما بلوشن خاص بالقدمين
2- يمكنك دهنها بفازلين مده 3-5 ساعات وتكوني مغطيتها طبعا وبعدها أشطفيها بمويه دآفيه وصابون ومايحتاج ترطبيها لأنك بتلاحظي النعومه وبياض قدمك الامع
3- عند خروجك لزياره او عزيمه لاتنسي قدميك من الأهتمام مثلا لون المانيكير مهم ويبرز جمال قدمك وأنتقي اللون المناسب لبشرتك واللي يضيف لها لمسه جماليه
4- أيآك ثم أيآك وأهمال قدمك ... فهي مرآتكِ

* اليدين !
اهم شي بالنسبه لي اليدين .. لأنها هي اللي تعكس الأنطباع عنك لأنك تحركي فيها خصلات
شعرك .. تستعمليها بكافة أشغالك .. تكتبين فيها .. والأهم ملمسها ومنظرها
اليدين تشد الناظرين لك ِ هناك عامل يشغل بال الفتيات وهو مساحة اليد في بعضهم صغيرها وبعضهم كبيره وطول الأصابع وقصرها .. كل هذآ يتنحى جانباً اذا كانت يدك ناعمه وكل من يلمسهآ يشعر بنعومتك وأنوثتك ..
ضعي كميه من السكر بيدك وأعصري فوقه ليمون ادعكي يدك فيها لين يقبل السكر على الذوبان بعدها أغسلي يدك بمويه دآفيه وحطي بعدها كريم مرطب .. وحافظي على رطوبتها طول اليوم .. وقبل تروحي المدرسه او الجامعه او حتى شغلك لاتنسين ترطبيها بشوي من كريمك وبعدها رآح تزدآد ثقتك بنفسك أكثر وتقدري تتغنجي بيدك <<~ وهذي عليكم يادلوعآآت

* الــرقــبــه !

مشكله تعاني منهآ الأغلبيه وانا منكم طبعا تغير لونها وزيادة السمار فيها تسبب عدم ثقه بالنفس .. أول الحلول
· ابتعدي عن وضع العطر على بشرة الرقبه لأنها رقيقه أكثر من بشرة الوجه
· أي خلطة تسخدميها للوجه ضعي منها على الرقبه لانها تابعه للوجه ويبان ادنى فرق بين لون الوجه ولون الرقبه .. والصابونه الخاص بوجهك أستعمليها لرقبتك .. مثل البابايا أو نايتروجينا ..
· وقت الصيف حافظي على منطقة الرقبه لان سمارها يزدآد بسبب حرآرته الجو وبعد الشور اليومي لجسمك ضعي من بودرة جونسون على رقبتك حتى تمنع الأحتكاكات بين الملابس ورقبتك وهذآ العامل الآساسي في سمارها
· لاتتعرضي للشمس فتره طويله وحاولي ماتستخدمي وآقي شمس بشكل يومي لانه يأذي بشرتك ولاتنسي أذا وضعتي منه على وجهك ان تضعيه أيضا على رقبتك ويفضل تستخدميه مرتين أسبوعين .. لأن بعض البشرآت مايناسبها الوآقي ويسمرها مع تعرضها للشمس ..

* المنطقه الحساسه !

لآ يخفى على الكثير انها أهم منطقه بالجسم ولابد أن نهتم فيها بشكل مختلف .. ولانها مكان لتجمع البكتيريا والجراثيم ولابد من المحافظه على نظافتها بشكل يومي مكثف .. فأهمالها يجلب مشاكل مستقبليه ..
1- أستخدآم ملابس دآخليه قطنيه فقط والأبتعاد عن الملابس النايلون .. وبرضوآ تغيرها اكثر من مره في اليوم
2- استخدآم فوط يوميه ( كيري فري – برآيفت ) عن نفسي استخدم برآيفت جدآ رائعه وتحافظ على النظافه الشخصيه أكثر
3- أستخدآم جل خاص للعنايه بهذي المنطقه وتطهيرها طبعا روحي للصدليه وأشتري اللي يناسبك .. لكن ضعي من الجل مرتين أو ثلاث في الأسبوع لان الجل ماده معقمه قد تقتل البكتريا المفيده ..
4- أستخدمي الملابس القطنيه البيضاء ( الشورت ) حتى تمنعي الأحتكاك اللي يسبب السوآد الدآكن بتلك المنطقه ..
5- أدهني المنطقه يوميا بجلسرين سائل وليمون بكميه متساويه يخفف اللون تدريجيا
6- تعاملي مع هذي المنطقه بحذر شديد لان بشرتها جدآآآ رقيقه ويبي لها عنايه خاصه
7- دآومي على أزاله الشعر اسبوعاً .. وأبتعدوآ عن الحلاوه وأستخدموآ الشفرآت الورديه الخاصه بالنساء .. لان الحلق لهذي المنطقه أفضل من نتفها لاني سمعت أنو النتف يسبب هبوط الرحم وبلاوي زرقاء عشان كذآ احنا يامعشر الفتيات خلونا جنب الحيط افضل لنا والدليل قوله صلى الله عليه وسلم ( نتف الأبط وحلق العانه ) .. ومرة قرآت ان الأبط يحتوي على بكتريا ما تزآل الا بالنتف والمنطقه السفليه فيها بكتريا ما تزآل الا بالحلق .. <<~ شوفوآ حكمته صلى الله عليه وسلم والعلماء توهم يكتشفون
8- بعد الدوره لابد نستخدم المسك في الطهاره لما له من فوآئد كثيره أهمها التعقيم بعد دم الدوره وكانت عائشه رضي الله عنها تستخدمه بعد طهرها من الحيض وبتلاقونه عند عبدالصمد القرشي وبـ10 ريال .. وفي كثير يابنات مايهتمون بنفسهم وقت الدوره .. أكلك جلستك وقفتك مجهودك كله لازم تهتمي فيه أيام الدوره عدآ النظافه طبعا اللي لابد تدبليها في هذآ الوقت .. وشطفي جسمك مرتين باليوم أقل شي حتى تبتعدي عن الروآئح .. طبعا غير تجفيف المنطقه بالمناديل كل ما تخلصي لانها تمنع ترآكم البكتريا والروآئح ويكون من الأمام الى الخلف وليس بالعكس

لبياض هذه المنطقه ..
كوب ماء ورد
2-نصف كوب اوثلاث 3 ملاعق زيت زيتون
3-معلقة ملح او سكر
4- قليل من الماء
5-نصف كوب منبودرة تالك للاطفال
اذيبي السكر او الملح في الماء حتى يختفي تماما واحرصي علىان تكون الكمية قليلة ثم بعد ذلك ضيفيها على باقي المكونات واخلطيهم جيداااجدا
ضعي الخلطة على النار فترة قصيرة جدا حتى تكون دافئة فقط او مائلة للسخونةقليلا
ثم ضعيها على السواد في المناطق الحساسة وافركي جيدا برفق ودون الم

اولا : احضري فوطه بيضاء اصغر حجمو ( بيكربونات الصوديوم ) اللي تستخدم بالاكل

قبل الاستحمام .. بللي المنطقه وبللي الفوطهورشي عليهاشويه من بيكربونات الصوديومثم ادعكي المنطقه بخفه بالفوطه المبلله المرشوشهبالبيكربونات لمدة خمس دقائقبعد ذلك اشطفيها جيدا بماء دافئ
ثم ذوبي عليهاقطعة ثلج وبعد الانتهاء من الاستحمام .. امسحي المنطقه بقطنه مبلله بزيت اللوز ( من الخارج فقط ) هذه الطريقه تستخدم مره كل اسبوع

* الأبط !

السبب الأول هو عدم تهوية هذي المنطقه وأهمالها والتعامل معها بشده ..
طبعآ كثرة استعمال مزيلات العرق تسبب سوآد هذي المنطقه خصيصا التي تحتوي على كحول .. جربي مزيل MuM انا استعمله مره كويس ومايحتوي على كحول ابدا وبنات خالاتي كلهم يستخدمونه من زمان ويمدحونه كثير ولا يسبب السمار
في بنات كثير يستخدمونه البودره المعطره من نكتار او بودي شوب وغيرها هذي كمان مسببه للسمار ..
أزيلي الشعر بشكل اسبوعي بطريقة النتف
حاولي بكل شور تدعكي المنطقه بنصف ليمونه او كل يوم بس لاتستخدموآ الليمون بعد النتف على طول لان الأبط بيكون مجروح وتحسي بحراره او قرص
ضعي قليل من بودرة جونسون على الأبط بس لاتكثرون منها حتى تمنع الاحتكاك
بين كل فتره وفتره تقريبا 3 اسابيع استخدمي هذي الخلطه لأن النشآ معروف انه مطهر
1- ليمون
2- نشاء ...
تجيبين الليمونةةتقسمينها وتفركين تحت باطك لمدة دقيقتين .. وبعدها تجيبين النشاء وتحطينه عليهوتتركيه حتى ينشف
وقتها حتشوفي النشا صار لونه اسود .. عشان هو يسحباللون من تحت الابط ... لا تغسلينه ... افركي النشاء ... وحتشوفي التغيير يوم بعديوم

*_ وحبيت افيدكم أخيرا من خلطة أستخدمتها شهرين وجابت نتيجه وآآآآآآو روعـــه
كل السمار رآح الحمدلله بس ما استمريت عليها عشاني بيضاء وخفت تسمرني رغم اني شفت النتيجه .. لكن استخدموها خوآتي وهم سُمر الكل لاحظ تغيرهم في اسبوع او اسبوعين وبآلزوآج الكل تفاجئوآ انهم تغيروآ وصارت بشرتهم فاتحه اكثر من أول بالأضافه ان بنت جيرآننا استخدمتها وكمآن طلعت معها نفس النتيجه وبرضوآ كآنت سمره بس تستاهل التعب والأستمرآر عليهآ
مابي اطول عليكم هذي هي الخلطة وكثير يمدحونها وأكيد الأغلبيه يسمعون فيهآ
خلطة صآبونــة الغار
الخلطه هي:
صابونة غار مبشوره ومنقوعه بموية ورد ليلة كامله
علبه كبيره كريم جلوسليد
علبه كبيره كريم جلسرين
علبه زيت جلسرين الشفاف
نص علبة فكس <<~ صرآحه انا ماحطيت فكس ومفعولها كآن قوي برضوآ
فنجان زيت زيتون
فنجان زيت اللوز
فنجان زيت خروع <<~ انا احط عدة قطرآت ما أكثر منه لأنه يزي كثافة شعر الجسم
تحطينها على جسمك اقل شي 4 ساعات وتخصصي لها ملابس معينه لان ريحتها بآآد
قبل تأخذي الشور تجيبي ملح وليمون وتفركي كل جسمك أو اي مكان حطيتي من الخلطة عليه يعمل زي المقشر للبشره وبعد شهر بتشوفي
نعومه + بياض + بشره مخمليه
وودعي القشور الباهته وصفار البشره والبهتان

أخيرآ :

أتمنى تعم الفائده للجميع .. وهذآ مجهود شخصي بسيط من تجاربي حبيت أشاركم فيه

تمنياتي لكم بسعآده تلمئ قلوبكم

لآتنسوني من صالح دعآئكم

ودي وبآقه وردي لكم

» أهتمامك سر جمالك