خناقه بين الساعاتي والفران

الساعاتي : انت بعد ( الدقه ) دي لا تعاملني ولا اعاملك وانا (منبه ) عليك بكده من زمان

الفران : بلاش رغي ... انا ما احبش ( اللت والعجن )

الساعاتي : انا دغري ... ومعرفش ( اللف والدوران )

الفران : يااخي كل (عيش ) واسكت

خناقه بين الساعاتي والفران 927358

الساعاتي : ماتغيظنيش دا انا(مليان ) منك خالص

الفران : ..انت( بتتقمر ) كده ليه ؟

الساعاتي : لأ .. لأ .. (صلح ) ملافظك ..احسن (امسح ) بيك الارض

الفران : اذا ما سكتش حاروح ( مفقعلك ) عينيك

خناقه بين الساعاتي والفران 806372

الساعاتي : انت واقف ( تتنطط ) لي زي( الرقاص ) كده ليه ؟

الفران : رقاص ايه يا ( لوح )

الساعاتي : مايبقاش لسانك زي ( العقرب )

الفران : عقرب لما (يقرصك )

الساعاتي : انت عقلك ( فاضي ) انت راجل ( متاخر )

خناقه بين الساعاتي والفران 197154

الفران : انت ( محروق ) مني ليه

الساعاتي : لانك راجل مش ( مظبوط )

الفران : دنا صاحب عمارات وانت مش طايل ( شقه ) تسكن فيها

الساعاتي : انا اجرت بيت من بابه ودفعت شهرين ( مقدم )

الفران : وجبت الفلوس ( منين )

الساعاتي : (الظروف ) اتصلحت

الفران : يعني طلقت الفقر طلاق مالوش ( رده )

الساعاتي : ولا كلمه ...تعالي بقي نقعد علي القهوه دي ( نركن ) فيها شويه

الفران : بعد ما تشتمني وتتكلم معايا الكلام ( الناشف ) ده عايزني اقعد معاك

الساعاتي : حقك عليا .. الواحد ( ساعات ) يكون مش رايق

الفران :عشان خاطر ( العيش ) والملح حاقعد معاك ومسامح في اللي فاتت ....