طريقة المخلل

1-هنغلى المية اللى هنخلل فيها وبعدين نسيبها تبرد
2-عملت لكل كوباية مية معلقة ملح وشوية خل(دى كنت شفتها على النت)بس حسيت انه محتاج ملح فزودته شوية
3-هنحط شطة حسب رغبتك
وده كان سائل التخليل اللى عملت فيه كل المخلل بس كنت عاملة برطمان صغير يعني
قطعت فيه جزر وكرنب وحطيت البصل الصغير او البصل اللى بيفيض من الاكل والفلفل والخيار الصغير تشقيه نصين كده بس مش للاخر وتحطيه برضه معاه
وحطيت البرطمان بره شوية وبعدها بكم يوم اكلت منه كان حلو اوى وبعدين نقلته فى التلاجه
ما تهراش ولا جرى له اى حاجة
وبعدين يا قمر ما تزوديش الكمية يعنى اعملى على اد الاستهلاك واما تاخدى منه وتلاقى عندك خيار او جزر هيدبل قطعيه وحطيه فى المخلل وهيبقى جميل
كمان بالنسبة لمخلل الخيار لو هتعمليه لوحده فى برطمان حطى كم فص توم معاه هيخليه حلو اوى
وممكن تحطى فى سائل التخليل بقدونس متقطع ناعم هيديله ريحه حلوة اوى
معلش مش ليا خبرة بجد اوى بس يارب اكون افدتك

» طريقة عمل الكريب
» طريقة عمل الفلافل بالصور
» طريقة عمل السى فود سهلة وبسيطة
» احلى طريقة لعمل محشي الكرنب اللذيذ بالصور مع بنات روشه
» طريقة عمل الكرواسون العادي وكرواسون الشيكولاتة وبالصوووور خطوة خطوة